ගෑස් මිල සංශෝධනය කිරීම සම්බන්ධයෙන් මෙතෙක් තීරණයක් ගෙන නොමැති බව ලාෆ් ගෑස් සමාගමේ ප්‍රධාන විධායක නිලධාරී නිරෝෂන් පීරිස් මහතා පැවසීය.
මේ වනවිට ගෑස් මෙට්‍රික් ටොන් 22000ක් රැගත් යාත්‍රාවක් හම්බන්තොට වරායට පැමිණ තිබේ.
එහි ගෑස් ගොඩබෑම මේ වනවිට සිදුවෙයි.
එම ගෑස් දිවයින පුරා බෙදාහැරීමට අවශ්‍ය කටයුතු සූදානම් කර ඇති බව පැවසීය.
මේ අතර තවත් ගෑස් නෞකාවක් ලබන සතියේ දිවයිනට පැමිණීමට නියමිතයි.
දිනකට ගෑස් සිලින්ඩර ලක්ෂයක් දිවයින පුරා බෙදා හරින අතර ඒ අනුව හිඟයකින් තොරව පාරිභෝගික ජනතාවට ගෑස් ලබා ගැනීමට හැකි වනු ඇතිබව වැඩිදුරටත් පැවසීය.
